பதிவர் சந்திப்பில் 'நான்-பிராமின்' அப்பர்-மிடில் கிளாஸ் ஆண்ட்டி

தமிழை நியூ ஜெர்சி மற்றும் நியூ யார்க்கில் தாங்கி நிறுத்தும் பதிவர்களே!, கனவான்களே!, உங்களுக்கோர் கெட்ட செய்தி. என்னுடன் படித்த ஒரு ஆண்டி, பதிவர் சந்திப்பில் கலந்து கொள்ள விருப்பம் தெரிவித்துள்ளார். இதுநாள் வரை டிஎன்ஏ மற்றும் புரோட்டின்களை பற்றி பேசியே என் தாக்க அறுத்துவந்த அவர் டெஸ்ட் அனிமல்ஸ் தேடிவருவதாகவும், அதுகுறித்து பதிவர்களின் ஆலோசனையை கேட்க விரும்புவதாகவும் கூறினார்.

இதுவரை மூன்று பேர் மட்டுமே சந்திப்புக்கு விருப்பம் தெரிவித்துள்ள நிலையில் இந்த நான்-பிராமின் அப்பர்-மிடில் கிளாஸ் ஆண்டியின் அதிரடி அறிவிப்பு நியூ ஜெர்சி எங்கும் அதிர்ச்சி அலைகளை உருவாக்கி உள்ளது. இதனால் பதிவர்கள் மத்தியில் பீதி உருவாகாமல் பார்த்துக்கொள்ளும்படி அவரது கணவர் இன்று தொலைபேசியில் கேட்டுக்கொண்டார். பரம்பரை வியாதியை கண்டு பிடிக்கிறேன் என்று கூறி தன் கணவரின் ரத்தத்தை அல்மோஸ்ட் காலி செய்துவிட்டாரென்று அவரது கணவரின் பேச்சில் அறிந்து கொள்ள நேர்ந்தது. எனவே நண்பர் சத்யா (ச்சின்ன பய்யன்), நண்பர் நசரேயன் ஆகியோரை இப்பதிவின் மூலம் எச்சரிப்பது என் கடமை.


தவிரவும், ஏனைய பதிவர்கள் எவரும் சந்திப்பு குறித்து எதுவும் தெரிவிக்காது இருக்கின்றனர். இதற்கென உருவாக்கப்பட்ட கூகிள் குழுமத்தில் பதினோரு உறுப்பினர்கள் உள்ளனர். இதில் உள்ளவர்களில் நான்கு பேர் மட்டுமே மடல் அனுப்பியுள்ளனர். நண்பர் குடுகுடுப்பை டெக்சாசில் இருப்பதால் வீடியோ கான்பரன்சில் கலந்து கொள்வார் என எதிபார்க்கப்படுகிறது. பதிவர் மொக்கைச்சாமி மற்றும் மருதநாயகம் நியூ ஜெர்சியில் இருப்பதாக அறிகிறேன். அவர்கள் மடல் அனுப்பி விவாதித்து இடத்தை முடிவு செய்து சொன்னால் சந்திப்புக்கு முன்கூட்டியே என்னை தயார் படுத்திக்கொள்ள முடியும்.

விபரங்களுக்கு: http://yesuvadian.blogspot.com/2008/10/blog-post_20.html