பிரிட்டிஷ் காலத்தில் இந்துத்துவா கட்சி ஒன்றின் தலைவர் வீர சாவர்க்கர் அந்தமான் சிறையிலிருந்து தன்னை விடிவுக்குமாறு கோரி பொது மன்னிப்புக் கேட்டு அரசுக்கு கருணைமனு அனுப்பினார்.
மகாகவி பாரதியார் புதுவையிலிருந்து மதராஸ் ஆட்சியருக்கு "அரசுக்கு எதிராக செயல் படமாட்டேன்" என்று பொருள்பட மன்னிப்பு கடிதம் அனுப்பினார்.
சீனாவில் கைது செய்யப்பட்ட வேவு ஆட்களை மீட்க தனது வெளியுறவுச் செயலரை மன்னிப்பு கேட்கச்சொன்னார் அமெரிக்க ஜனாதிபதி புஷ்
1984 -ல் நடந்த சீக்கிய படுகொலைகளுக்கு காங்கிரஸ் பிரதமர் மன் மோகன் சிங் மன்னிப்பு கேட்டார்.
வலைப்பதிவர் மோகன் கந்தசாமி தசாவதாரம் படத்திற்கு படம் பார்க்காமல் போலியான, ஜாலியான விமர்சனம் எழுதியதற்கு பொது மன்னிப்பு கேட்டார்.
டிஸ்கி: எனது 26 பதிவிற்கு பதிவர் "தம்பி" எழுதிய கட்டுரை தகுந்த லே அவுட் செய்யப்பட்டு தயாராக இருந்த போதிலும் தசாவதார புயல் வீசும் இந்த நேரத்தில் வெளியிட தயக்கம் உள்ளது. நல்ல பதிவை எவர் கண்ணிலும் படாமல் போகும்படி விட மனமில்லை. எனவே இன்னும் இரு நாட்களுக்கு அதை ஒத்தி வைக்கிறேன்.
Saturday, June 14, 2008
தசாவதாரம்: ஒரு பொது மன்னிப்பு
Labels: உடான்ஸ், கமல் 13 comments
Tuesday, June 3, 2008
தசாவதாரம் - திரை விமர்சனம்.
தசாவதாரம் அபிசியலாக ரிலீசாவதற்கு மூன்று நாட்களுக்கு முன்பாக பார்க்க கொடுத்துவைத்திருக்க வேண்டும். நான் யாரிடம், என்ன கொடுத்து வைத்தேன் என்று தெரியாது, ஆனால் எங்கள் டாக்டர் (மேலதிகாரி), இந்த படம் பார்க்க ஏற்பாடு செய்து தந்த அந்த சமூக சேவகருக்கு நிறைய கொடுத்திருக்கிறார். படத்தின் பாக்ஸ் வந்த இரண்டரை மணி நேரத்தில் ஒரு ரகசிய காட்சிக்கு ஏற்பாடு செய்து, சுமார் இருநூறு பேர்கள் வரை அழைப்பு விடுத்து, முக்கால் படத்தை திரையிட்டு $220,000 பணத்தை தன் டிரஷ்ட்டுக்கு சேர்த்திருக்கிறார். கமலகாசன் இங்குதான் எங்கோ "மர்ம யோகி" படப்பிடிப்பில் இருப்பதால் கமல்ஹாசனின் ஒப்புதல் இதற்கு பெறப்பட்டிருக்க கூடும். சமூக சேவகரும் தங்கள் "டோனர்" களுக்கு மட்டுமே திரையிடுவதாக வாக்களித்திருக்கிறார் என்று அறிகிறேன்.
முதலில் இதற்கு ஏன் தசாவதாரம் என்று பெயர் வைத்தார்கள் என்று விளங்கவில்லை. மொத்தம் எட்டு வேடாங்களில்தான் கமல் வருகிறார். நாங்கள் பார்க்க முடியாமல் போன அந்த 13 நிமிட படத்தில் (டைம் ஸ்டாம்ப் மற்றும் சீக்கிங் எல்லாம் திரையில் வந்தது) புதிதாக இரு வேடங்கள் அறிமுகப்படுத்த பட்டிருக்கும் வாய்ப்பு குறைவு. வெள்ளிக்கிழமை மாலை மீண்டும் ஒருமுறை (கண்டிப்பாக) பார்க்கும் போது குழப்பம் நீங்கும் என நம்புகிறேன். அந்த எட்டு வேடங்கள் பின்வருமாறு.
1. வைணவ பிராமணர். பெயர் நம்பிராஜன் (ரங்கா?..). மல்யுத்தம், வாள் சண்டை இவருக்கு தெரிகிறது. காலம் பனிரெண்டாம் நூற்றாண்டு. அசின் நம்பிராஜரின் மனைவி.
2. நாசா -வில் ப்ரோபெசனராக பணிபுரியும் ஆண்த்ரோபோலாஜி மாணவன்(ஸ்ரீனிவாஸ் சாமிநாதன்) தற்காலம்.
3. தனது மற்றும் தன் முறைப்பெண்ணின் (அசின்-காயத்ரி.(அவர் வைத்துக்கொள்கிற பெயர் கலைவாணி)) பாட்டி. தற்காலம்.
4. சுனாமி தாக்கிய பகுதிகளை பார்வையிட ஐ.நா. தூதுவராக வரும் ஒரு அமெரிக்க மாநிலத்தின் முன்னாள் கவர்னர் வில்சன் ஜியோபிரி.
5. சட்டவிரோதமாக ஆட்களை கலை நிகழ்ச்சி ட்ரூப் வாயிலாக அமெரிக்காவுக்கு அழைத்துச்செல்லும் பஞ்சாபி பாடகர். ஹர்ஷ்விர் சிங்.
6. இந்திய மற்றும் அமெரிக்க அரசாங்கங்கள் நடத்தும் ரகசிய ஆராய்ச்சிக்கு தனிவோருவராக எதிர்ப்பு தெரிவித்து போராடும் ஒரு இடதுசாரி சிந்தனையாளர் மற்றும் லெட்டர் பேட் கட்சி தலைவர். அகல்டீப் சிங். பாடகரின் சகோதரர்.
7. 800 வருட வரலாற்றை தெரிந்து வைத்திருக்கும் சித்தர். (பெயர் இல்லை.)
8. டூரிஸ்ட் கைட். இது கேரக்டர் அல்ல. அந்த இடது சாரி தலைவர் தாம் ஒரு கைட் போல வேடமிட்டு வெள்ளைக்கார ஆய்வாளர்களை வேவு பார்க்கிறார்.
பழங்குடி கறுப்பர் போன்ற ஒரு கேரக்டர் படத்தில் இருப்பதாக பத்திரிகையில் செய்தி வந்த்திருந்தது. ஆனால் படத்தில் அப்படி ஏதும் இல்லை.
அவ்வையார் வேடம் இல்லை. ஆளவந்தான் போன்ற பயில்வான் வேடமும் இல்லை.
சரி கதைக்கு போவோம். சோழர்களால் கொல்லப்படும் வைனவர்களில் வீர சைவர்களுக்கு எதிராக கிட்டத்தட்ட ஒரு போரே செய்பவர் நம்பிராஜன். வாட்போர் மற்றும் மற்போர் புரிந்து பிறகு சிறை பட்டு, உத்திராட்சம் அணிய மறுத்து, நமச்சிவாய என சொல்ல மறுத்து என பல மறுப்புகளுக்குப் பின் ரங்கராஜன் சிலையுடன் கடலில் வீசப்படுகிறார். பதினொரு நாட்களுக்கு பின் ஏற்படும் ஒரு சுனாமியில் அச்சிலையை கடற்கரை ஓரத்தில் பார்க்கும் மக்கள் மன்னனுக்கு தெரிவிக்க, அச்சிலையை கைபற்றிவர வீரர்களுக்கு உத்தரவிடுகிறான் மன்னன். இப்போது முன்பிருந்த இடத்தில் சிலை இல்லை. அசினும் (நம்பி ராஜரின் மனைவி) ஊரில் இருந்து மாயமாய் மறைகிறார்.
ஆக்சுவலி, கதை தற்காலத்தில் தொடங்குகிறது. கமல் தன் விடுமுறைக்கு சென்னை வந்திருக்கும் போது பேரழிவை தோற்றுவிக்கும் ஒரு சுனாமி வந்து போக, 12 ம் நூற்றாண்டு சுனாமி பற்றி கமல் பாட்டி சொல்கிறார். சுமார் இருபத்தைந்து தலைமுறைகளுக்கு முன் தங்கள் பரம்பரையில் வந்த மூதாதையர் தான் நம்பிராஜர் என்கிறார் கமலின்(மாணவன்) பாட்டி. கமலின் முறைப்பெண் அசின்(காயத்ரி). இருவருக்கும் அவர்தான் பாட்டி. பலமுறை இந்த கதையை கேட்டிருக்கும் கமல் இம்முறை சீரியஸாக எடுத்துக்கொண்டு விடுமுறைக்குப்பின் அமெரிக்கா செல்கிறார். அசின் கம்யூனிஷம் மற்றும் திராவிடம் எல்லாம் பேசுகிறார். சாமி கும்பிடுகிறார். விரதம் இருக்கிறார். அறை குறையாக படித்து விட்டு வரலாறு தெரியாமல், ஒரு வித பிரமையில் இருந்துகொண்டு அசின் பினாத்துவதாக மாமன் கமல் பரிகாசம் செய்கிறார் (கமல் என்ன சொல்ல வருகிறார்?).
பாட்டி கமலின் முதல் மகள் பஞ்சாப் காரரை மணந்து கொண்டவர். அவர் தனது கணவருடன் இரு மகன்களையும்(பிற்காலத்தில் பாடகர், அரசியல்வாதி) விட்டுவிட்டு அமெரிக்காவிற்கு இம்மிகிரன்ட்டாக சென்றிருக்கிறார். அங்கு பிறக்கும் கமல் கவர்ணராகிறார். பாட்டி கமலின் ஒரே மகன் மாணவன் கமலின் தந்தை. பாட்டி கமலின் மற்றொரு மகளின் மகள் அசின்(காயத்ரி). பாட்டி கமலின் பிள்ளைகள் யாவரும் படத்தில் வசனம் வாயிலாகவே விளக்கப்படுகிறார்கள்.
அமெரிக்க சென்றதும் தமிழக கடற்கரையை நாம் ஏன் ஆராய்ச்சி செய்யவேண்டும் என நாசா -வின் ஓசன் சயன்ஸ் துறையில் ஒரு பவர் பாயிண்ட் பிரசன்டேசன் தருகிறார் கமல். அறை மில்லியன் டாலர் கிராண்ட் அளிக்கின்ற நாசா அதன் குழுவில் தமிழரான நிலநடுக்க நிபுணர்(Seismologist) சொக்கலிங்கத்தை (நாகேஷ்) யும், ஆந்திரர் மற்றும் ஒசனோ கிராபி நிபுணர் எஸ்.பி.பி. -யையும் இன்னும் சில வெள்ளைக்காரர்களையும் நியமிக்கிறது. இந்திய குழுவுடன் இணைந்து பணியாற்ற மறுக்கும் இந்த குழுவுக்கு இந்திய அரசு அனுமதி மறுக்கிறது.
மறைமுகமாக அனுமதி பெறும் அக்குழு முதல் கட்ட சோதனை அறிக்கையை கொடுக்கிறது. சுனாமி ஏற்படுவதற்கு சில நாட்களுக்கு முன்பு கடலுக்கு அடியில் பல மீட்டர் விட்டத்தில் ராட்சத காற்று குமிழ்கள் ஏற்படும் என அறிக்கையில் குறிப்பிடுகிறது. இதனிடையே இக்குழுவுக்கு எதிராக பல வழிகளில் அந்த அரசியல் வாதி கமல் போராடுகிறார். வெற்று பிடிவாதத்திற்கு அவர் போராடுவதுபோல் படத்தில் சித்தரிக்கப்பட்டிருக்கிறது.
சுனாமி பேரழிவை பார்வையிட வரும் கவர்னர் வில்சன் முதல்வர் கருணாநிதியை சந்திக்கிறார், எதிர்கட்சி தலைவர் ஒருவரை அவரது இல்லத்தில் சந்திக்கிறார். (சுவரில் ஜெயலலிதா படம் மாட்டியிருக்கிறது). இதற்கிடையே தமிழக கடற்கரை ஓரங்களில் குவியல் குவியல் -களாக 10 முதல் 20 கி.மீ. இடைவெளிகளில் அரிய
கடல் வாழ் உயிரிகள் இறந்து மிதப்பதாக செய்திகள் வந்த வண்ணம் இருக்கிறது.
ராட்சத நீர்க்குமிழிக்குள் சிக்கி இவை சுவாசிக்க முடியாமல் இறந்து போயிருக்க கூடும் என அரசு சந்தேகிக்கிறது. இதனால் மீண்டும் சுனாமி அபாய அறிவிப்பு கொடுக்கப்படுகிறது. அதன் பின் என்ன ஆகின்றது என வெள்ளிக்கிழமைதான் தெரியவரும். நாங்கள் பார்க்க முடியாமல் போன அந்த 13 நிமிட படத்தில் மீண்டும் ஒரு சுனாமி வரக்கூடும்.
படத்தின் முதல் ஹைலைட்டே சுனாமி தான். ரெண்டாவது மல்லிகா ஷெராவத் சுனாமி. சென்சார் சும்மா லுல்லுவாய்க்கு தான் போல. அமெரிக்க ஸ்ட்ரிப் கிளப்புகளை அப்படியே கண் முன் நிறுத்துகிறார்கள். மூன்றாவது சுனாமி நகைச்சுவை சுனாமி. அகல்டீப் சிங் கமல் தமிழக கடற்கரை ஓரங்களில் செய்யும் வேவு வேலைகள் சரியான காமெடி. மனிதர் ரொம்ப சீரியஸாக செய்வார். பேச்சு நம்ம சு.சாமி -யை நினைவு படுத்துகிறது. (அதனால் தான் காமெடியா இருக்கா?)
பாடகர் கமல் எப்போதும் ஹிந்தியில் பேசுகிறார். ஆனால் பாட்டை மட்டும் தமிழில் பாடுகிறார். சித்தர் கமல் பேசும் தத்துவங்கள் தமிழ் தெரிந்த எவரையும் ஈர்க்கும். உதடுகள் மட்டும் அசைய அவர் பேசும் தத்துவங்களால் அசின் மெய்மறந்து போகிறார். அசினுக்கு தமிழ் பித்து இருப்பது போல் காட்டப்படுகிறது. பாட்டி கமல் நன்றாகத்தான் இருக்கிறார். பாடும் போது மட்டும் ஏன் டி. பி வந்தவர் போல் இருமுகிறார். அமெரிக்காவில் பிறந்தவர் போலவும், அமெரிக்க அரசியல் வாதிகளின் மேனரிசத்தொடும் கமல் பேசுவது ஆச்சர்யமாக இருக்கிறது. நிச்சயம் பல ஆண்டுகளுக்கு பயிற்சியில் இருந்திருக்க வேண்டும். இந்த கமலை பார்த்தால்(பேச்சு) ஜார்ஜ் புஷ் -ஐ விட கிளிண்டன் ஞாபகம் வருகிறது.
மீண்டும் வெள்ளிக்கிழமை மாலை மற்றும் ஒரு தசாவதாரம் விமர்சனத்துடன் சந்திப்போம்.
தசாவதாரம்: ஒரு போது மன்னிப்பு.
Labels: உடான்ஸ், கமல் 34 comments
கொடுமை! கொடுமை!
தொடர்வோர்
திரட்டு
- பேட்டி (21)
- அரசியல் (18)
- அடாவடி (16)
- நக்கல் (16)
- சில்ப்பா குமார் (15)
- ஈழம் (14)
- ச்சும்மா ட்டமாஷ்-25 (9)
- ச்சும்மா ட்டமாஷ்-50 (9)
- ச்சும்மா ட்டமாஷ்-75 (9)
- காண்டு (8)
- திமுக (8)
- காமெடி (7)
- போலிடோண்டு (7)
- சீரியஸ் (6)
- டோண்டு (6)
- தமிழ் சசி (6)
- திருமா (6)
- பெண்கள் (6)
- வீடியோ (6)
- ஆப்லெட் (5)
- கோவிகண்ணன் (4)
- சமூகம் (4)
- ஜ்யோவ்ராம் சுந்தர் (4)
- பெரியார் (4)
- வலைப்பூக்கள் (4)
- வி. சிறுத்தைகள் (4)
- அப்துல்லா (3)
- குறுக்கெழுத்து (3)
- செந்தழல் ரவி (3)
- தளபோட்ச்த்ரி (3)
- திராவிடம் (3)
- பார்ப்பனீயம் (3)
- பீத்த பதிவர்கள் (3)
- மதிபாலா (3)
- மொழிபெயர்ப்பு (3)
- லக்கி லுக் (3)
- அம்மா (2)
- அருந்ததி ராய் (2)
- இடி அமீன் (2)
- உடான்ஸ் (2)
- என் துறை (2)
- கமல் (2)
- கம்யூனிசம் (2)
- கவிதை? (2)
- கில்மா (2)
- சினிமா (2)
- சிறுகதை (2)
- ஜோதிடம் (2)
- பதிவர் சந்திப்பு (2)
- பயங்கரவாதம் (2)
- பெங்கை (2)
- மீள்பதிவு (2)
- மொக்கை (2)
- ரஜினி (2)
- ரவிகுமார் (2)
- வெட்டி ஆபிசர் (2)
- அதிஷா (1)
- இட ஒதுக்கீடு (1)
- கற்பு (1)
- கவிதை (1)
- குண்டு வெடிப்பு (1)
- குத்து (1)
- சாத்திரி (1)
- சிங்காரவேலர் (1)
- ஜனநாயகம் (1)
- ஜீவானந்தம் (1)
- தனிமாநிலம் (1)
- தமிழச்சி (1)
- தம்பி (1)
- நட்சத்திர வாரம் (1)
- பட்டமளிப்பு (1)
- மதம் (1)
- முரளிகண்ணன் (1)
- விஜயகாந்த் (1)
- ஹிந்தி (1)