லக்கி லுக் - ஒரு அதிரடி பேட்டி.

"ச்சும்மா ட்டமாஷ்." வலைப்பூவின் வெள்ளிவிழா பதிவுகள் வரிசையில் அடுத்து பதிவர் லக்கி லுக் -இன் பேட்டியை வெளியிடுகிறேன். பின்னூட்டங்களுக்கு அவர் பதிலளிப்பார். வழக்கம்போல் மட்டுறுத்தலை நான் மேற்கொள்கிறேன்.

பர்சனல் கேள்விகளை இறுதியில் வைத்துக்கொண்டு, உங்களைப் போன்றே அதிரடியாக விசயத்திற்குச் செல்வோம். அனானிகள் வந்தால் பெரும்பாலான பதிவர்கள் கதவை இழுத்து சாத்திவிட நீங்கள் மட்டும் அவர்களை உள்ளே கூப்பிட்டு உதைக்கிறீர்களே ஏன்?

உண்மையை சொல்லப் போனால் நான் வெளியிடுவதை விட ரிஜெக்ட்டு செய்யும் அனானி கமெண்டுகள் தான் அதிகம். அனானிகளும் வலைப்பதிவுலகின் ஒரு அங்கம். நான் தமிழ்மண நட்சத்திரமாக இருந்த ஒரு வாரம் மட்டுமே அனானி-அதர் ஆப்ஷனை மூடி வைத்திருந்தேன். சில நேரங்களில் அனானி ஆட்டம் சுவாரஸ்யமாகவே இருக்கிறது. பல நேரங்களில் எரிச்சலை கிளப்புவதும் உண்மை!

"கும்மி", "டவுசர் கிழியுது", "தாவு தீருது" போன்ற சொற்றொடர்களை பதிவுலகில் பிரபல படுத்தியதில் உங்கள் பங்கு என்ன? உங்கள் மற்ற கண்டு பிடிப்புகளை பட்டியலிட முடியுமா?

இவை ஏற்கனவே என் மாணவப் பருவத்தில் பயன்படுத்திய சொற்றொடர்கள் தான். எதையெல்லாம் இப்போது பயன்படுத்துகிறேனோ அதெல்லாம் ஏற்கனவே இங்கே இருப்பவை தான் என்பதால் என்னுடைய பங்கு என்று எதுவுமில்லை. நான் கண்டுபிடிப்பாளன் அல்ல, காப்பி அடிப்பவன் என்பதால் எதையும் பட்டியலிட்டு சொந்தம் கொண்டாட முடியாது.

"காண்டு கஜேந்திரன்" என்ற பாத்திரத்தை நீங்கள் உருவாக்கி பிரபல படுத்தியுள்ளீர்கள், அதேபோல் "கஜக்கோல் பாண்டியன்" பாத்திரத்தை உருவாக்கி வருவதாக லண்டனில் இருந்து வெளிவரும் "ஸ்டேட்ஸ் மேன்" ஏடு செய்தி வெளியிட்டுள்ளது. அதை நீங்கள் இந்த பேட்டியில் உறுதி செய்யமுடியுமா?

கஜக்கோல் பாண்டியன் என்ற பாத்திரம் அருமையான கற்பனையாக இருக்கிறது. மேட்டர் கதைகளில் தான் இதுபோன்ற பாத்திரங்கள் இருக்கும். எனக்கு மேட்டர் கதை எழுத வராது.

"பெயரிலி" உடனான பிரச்சினைக்கு பிறகு நீங்கள் "ரூம் போட்டு அழுத" தாக வந்த வதந்தியைப் பற்றி.

பெயரிலியோடு எனக்கு எந்த பிரச்சினையுமில்லை. தமிழச்சி பதிவுக்கு நான் பின்னூட்ட ஆதரவு தந்து வந்ததால் அவர் என்னை திட்டினார். பதிலுக்கு திருப்பி திட்டினேன். டோண்டு பதிவுக்கு பின்னூட்டம் போட்டவர்களை போலி டோண்டு திட்டியது போலவே இது ஒரு பாசிஸ நடவடிக்கையாக எனக்கு பட்டதால் என் எதிர்ப்பை முழுமூச்சாக காட்டினேன். மற்றபடி பெயரிலி அண்ணனை எங்காவது சந்திக்க நேர்ந்தால் கட்டியணைத்து வரவேற்க எனக்கு எந்த தயக்கமும் இல்லை. அவருக்கு இருக்காது என்று நம்புகிறேன்.

உங்கள் வலைப்பூவை பிரபலப் படுத்த ஏதேனும் அஜண்டா தயாரித்தீர்களா அல்லது "மகா யக்ன யாகம்" செய்தீர்களா?

ஆரம்பத்தில் நிறைய பேருக்கு அதிரடியாக பின்னூட்டங்கள் போட்டுவந்தேன். அதை தவிர வேறு எதுவுமில்லை.

அதிரடியாக பின்னூட்டம் என்றால், ஜல்லி பின்னூட்டமா, கலாய்த்தல் பின்னூட்டமா அல்லது அட்டன்டன்ஸ் பின்னூட்டமா?

எல்லா மாதிரி பின்னூட்டமும். அட்டணண்ட்ஸ் பின்னூட்டம் போட்டால் பேக் பயர் ஆக வாய்ப்புண்டு.

தி. மு. க -வின் வருங்கால தலைவருக்கு எதிர்காலத்தில் பிரச்சினை தரப்போவது யார்? ஜெயலலிதா வா? விஜய காந்த் -ஆ? வீர பாண்டியாரா? அல்லது டோண்டு சாரா?

கடந்த கால் நூற்றாண்டாக திராவிட இயக்க சிந்தனைகள் நீர்த்து வருவதாக அல்லது முழுமுனைப்போடு சிந்திக்கப்படாததாக தோன்றுகிறது. இதுதான் எதிர்கால திமுக தலைவருக்கு பிரச்சினையை தரும் என்று கருதுகிறேன். திராவிட இயக்க சிந்தனைகளை தவிர்த்துப் பார்த்தால் திமுகவுக்கும் மற்ற கட்சிகளுக்கும் வேறுபாடு எதுவுமில்லை.

ஆலந்தூர் சட்டமன்ற தொகுதி டிக்கெட் உங்களுக்கு தரப்பட்டால் எத்தனை லட்சம் செலவு செய்வீர்கள்? ப்ளாக்கில் விற்பதைப் பற்றி யோசித்திருக்கிறீர்களா?

நான் இப்போது இருப்பது தாம்பரம் தொகுதி. அதுவும் அடுத்த தேர்தலில் சோழிங்கநல்லூர் தொகுதியாக மாறப்போகிறது. ஆலந்தூரில் எனக்கு எப்படி சீட்டு தருவார்கள்? திண்டுக்கல் பாராளுமன்றத் தேர்தலில் போட்டியிட்டபோது நடிகர் சந்திரசேகர் சொன்னதை தான் நானும் சொல்லமுடியும். "தலைவர் தான் செலவு செய்யணும்!"

ஒரே நேரத்தில் பத்து ஆட்டோக்கள் வந்தால் உங்கள் வீட்டு வாசலில் நிறுத்த இடமிருக்கிறதா?

நிறுத்த இடமிருக்கிறது. வந்த ஆட்டோக்களை நொறுக்கித்தள்ள ஆள்பலமும் இருக்கிறது.

தலைவர் கலைஞர் திருக்குறளை கையாள்வதில் லாவகம் மிக்கவர் என்பது எல்லோரும் அறிவர். உங்களுக்கு அதில் பரிச்சயம் உண்டா? சான்றாண்மை அதிகாரத்தில் ஒரு குறளை சொல்லி விளக்குங்கள்.

"ஆற்றுவார் ஆற்றல் பணிதல் அதுசான்றோர்
மாற்றாரை மாற்றும் படை."

வல்லவராக இருப்போரின் வல்லமையே பணிவோடு நடந்துகொள்வதுதான். எதிரிகளை கூட இந்த அணுகுமுறை மூலமாக நண்பர்களாக்கி கொள்ள முடியும்.

எனக்கு குறளில் அவ்வளவு பரிச்சயமில்லை. பள்ளிப் பருவத்தில் ப்ரேயர் மீட்டிங்கில் குறள்விளக்கம் சொன்னதால் சில குறள்கள் மட்டும் நினைவிலிருக்கிறது.

திராவிட இயக்கம் ஒரு வெற்றி பெற்ற கருத்தாக்கம் என்கிறார் இதழியலாளர் ஏ. கே. பன்னீர்செல்வம். உங்கள் கருத்து என்ன?

நிச்சயமாக. கடந்த நாற்பதாண்டுகளில் தமிழகத்தில் பிற்படுத்தப்பட்டோர் / தாழ்த்தப்பட்டோர் மத்தியில் ஏற்பட்டிருக்கும் மவுனப்புரட்சியின் வித்து திராவிட இயக்க சிந்தனைகளே. இன்று ஏராளமான தலித்கள் வழக்குரைஞர்களாக, வங்கிப் பணியாளர்களாக, அரசு ஊழியர்களாக பணியாற்றுவதை பார்க்கிறோம். நாற்பது ஆண்டுகளுக்கு முன்பு சாத்தியமேயில்லாத விஷயங்களாக இருந்தவை இவை.

(தொடரும்)

இப்பேட்டியின் தொடர்ச்சி இன்னும் சில மணிநேரங்களில் வலையேற்றப்படும். ஷகிலா, நமிதா, எதிர் வீட்டு ஜன்னல், டோண்டு, உண்மைத்தமிழன், கம்யூனிசம் என விலாவாரியாக பதிலளித்து உள்ளார்.

தனது செப்டம்பர் 9 பதிவின் பின்னூட்டத்தில் தன் சாதியை வெளியிட்டதற்காக லக்கிலுக்கிற்கு எனது கண்டனங்கள் - மோகன் கந்தசாமி |செப்டெம்பர் 10, 2008